" Muda O Nia Hahalok”- Day
Atu hili loron ida ne’ebe sei sai hanesan loron espesial
ne’ebe mane sira sei organiza atividades hodi promove no enkoraja mane sira ba
muda hahalok hanesan dalan ba hamenus violensia kontra feto. Sei organiza
atividade kompetisaun tein ne’ebe sei sai hanesan exemplu publiku katak mane
sira bele muda nia hahalok. Exposisaun husi grupo mene sira sei sai hanesan
promosaun ba sira nia servisu iha area prevensaun violensia baseia ba jeneru no
promosaun igualdade jeneru. Sei habelar mensajen mane hamenus violensia kontra
feto ba publiku liu husi konsertu muzika orijinal konaba topiku ne’e ne’ebe
kompostu husi grupo mane sira rasik.
Muda O Nia Hahalok Day sai
eventu anual ida ne’ebe grupo mane sira iha nivel suku bele organiza hodi sai
hanesan maneira ida ba promove mane sira nia partisipasaun iha servisu
prevensaun violensia ba jeneru no mane nia papel ba hamenus violensia kontra
feto liu husi maneiras kreativu ho partisipasaun ho komunidade tomak.
MHVF sei servisu ho fokal
point no grupu mane sira hodi organiza “Muda O Nia Hahalok” Day iha nivel suku ne’ebe sei inklui atividades
prinsipal 3. Sei enkoraja grupo mane sira ba forma ekipa tein hodi partisipa
iha kompetisaun tein ba mane sira. Team juri ne’ebe sei deside ekipa vensidora
sei kompostu husi feto sira ne’ebe hela iha area suku ne’ebe refere. Sei produs
avental ho mensajen “Muda O Nia Hahalok” Day-Mane Mos Bele ne’ebe membrus ekipa
tein sei uza hodi promove loron ida ne’e.
Segunda atividade mak
organiza exposisaun ki’ik ida ne’ebe sei hatudu no promove servisu ne’ebe grupo
mane sira halo konaba mane nia papel ba hamenus violensia kontra feto. membrus
grupo mane sei partisipa iha exposisaun ne’e hodi fahe sira nia esperensia ba
membrus komunidade ne’ebe sei vijita exposisaun ne’e.
Terseira atividade sei
hamosu oportunidade ba membrus grupo mane hodi explora sira nia sentimentu
konaba asuntu mane hamenus violensia kontra feto no utiliza sira nia
kreatividade no talentu muzika ba komposta muzika orijinal konaba topiku ne’e
ne’ebe depois sira sei fo sai iha publiku liu husi konsertu muzika.
No comments:
Post a Comment